ষড়ানন বৰা, চামগুৰিঃ নগাঁৱৰ পুৰণিগুদাম আৰক্ষী চকীৰ অধীনৰ কাষৰিগাঁৱত মঙলবাৰে বিয়লি এক ভয়ংকৰ পথ দুৰ্ঘটনা সংঘটিত হয়।
গুৰ ভৰ্তি এএছ০২বিচি৯০৯২ নম্বৰৰ লংকাৰপৰা শিৱসাগৰ অভিমুখী এখ দ্ৰুতবেগী বলেৰ' পিকআপ বাহনে নিয়ন্ত্ৰণ হেৰুৱাই দুজনকৈ পথচাৰীক মহতিয়াই নিয়াৰ ফলতেই সংঘটিত হয় পথ দুৰ্ঘটনাটো।
আনহাতে দুৰ্ঘটনাটোৰ ফলত গুৰুতৰভাৱে আহত হয় এগৰাকী যুৱতীসহ এজন যুৱক। পাছত গুৰুতৰভাৱে আহত দুয়োকে পুৰণিগুদাম আৰক্ষী ঘটনাস্থলীত উপস্থিত হৈ ১০৮ যোগে ততাতৈয়াকৈ নগাঁও অসামৰিক চিকিৎসালয়লৈ প্ৰেৰণ কৰে।
উল্লেখ্য যে আহত হোৱা যুৱক-যুৱতী দুগৰাকী বৰ্তমানেও চিনাক্ত হোৱা নাই।