চামগুৰিৰ লাওখোৱাত জলসম্পদ মন্ত্ৰী কেশৱ মহন্ত

ষড়ানন বৰা, চামগুৰিঃ অসম চৰকাৰৰ বিজ্ঞান, তথ্য-প্ৰযুক্তি আৰু জলসম্পদ মন্ত্ৰী কেশৱ মহন্ত বুধবাৰে বিয়লি চামগুৰি সমষ্টিৰ লাওখোৱা-ভূৰবন্ধা অঞ্চলত উপস্থিত হৈ বানপীড়িত ৰাইজৰ ক্ষয়-ক্ষতিৰ বুজ লয়৷

মন্ত্ৰীগৰাকীয়ে লাওখোৱাৰ মূল মথাউৰিটো সুৰক্ষিত কৰিবলৈ আৰু বান গৰাখহনীয়া সমস্যা ৰোধ কৰিবৰ বাবে নতুনকৈ ৩০ কোটি টকাৰ আঁচনি ঘোষণা কৰে৷ বানাক্ৰান্ত লোকসকলক সাহাৰ্য্য আৰু পুনৰ সংস্থাপনৰ ব্যৱস্থা কৰিবলৈ মন্ত্ৰী মহন্তই বিষয়াসকলক যাৱতীয় নিৰ্দেশ প্ৰদান কৰে৷ লগতে বুঢ়াচাপৰি অভয়াৰণ্যসহ শোণিতপুৰ জিলাৰ দক্ষিণপাৰৰ ধনীয়া গাঁৱৰ বান-গৰাখহনীয়া সমস্যা শীঘ্ৰে সমাধানৰ প্ৰতিশ্ৰুতি প্ৰদান কৰে৷