ধনৰ অভাৱত সৎকাৰ কৰিব নোৱাৰি পত্নীৰ মৃতদেহ নাদত পুতি থ’লে বৃদ্ধ স্বামীয়ে

চামগুৰিঃ দৰিদ্ৰতাৰ কঢ়াল গ্ৰাসে যেন আজিৰ যুগত নি:শেষ কৰিছে কৰিছে মানৱতা। খৰি-খেৰ আৰু পৰিয়ালৰ সহযোগিতাৰ অভাৱৰ বাবেই নিজ পত্নীক সৎকাৰ কৰিব নোৱাৰিলে এজন বৃদ্ধই। এই ঘটনা সংঘটিত হৈছে নগাঁৱৰ চামগুৰিৰ আমগুৰিত। পোহৰলৈ আহিছে এক মৰ্মান্তিক ঘটনা।

চামগুৰিৰ আমগুৰিৰ গনেশ লোহাৰ নামৰ এগৰাকী ব্যক্তিৰ পত্নী মাইনু এক্কা লোহাৰ নামৰ মহিলাগৰাকীৰ দীৰ্ঘদিন শাৰীৰিক অসুস্থতাত ভোগাৰ পাছতেই দেওবাৰে পুৱাই মৃত্যু হয়। ইয়াৰ পাছতেই সংঘটিত হয় এক হৃদয়বিদাৰক ঘটনা। দেওবাৰে পুৱাই মহিলাগৰাকীৰ মৃত্যু হোৱাৰ পাছত সোমবাৰে বিয়লি পৰ্যন্ত পৰিয়ালকেন্দ্ৰিক বিবাদৰ বাবেই সৎকাৰ কৰিবলৈ পৰিয়ালৰ কোনো লোক নহাৰ লগতে গনেশ লোহাৰক একাষৰীয়া কৰি থোৱাৰ বাবেই ২০ হাজাৰ টকা দিলেহে সৎকাৰৰ ব্যৱস্থা কৰা হ’ব বুলি পৰিয়ালৰ লোকে গনেশ লোহাৰক অৱগত কৰে বুলি ব্যক্তিজনে সংবাদ মাধ্যমৰ আগত অভিযোগ উত্থাপন কৰে।