চামগুৰিত বন্যহস্তীৰ উপদ্ৰৱ

চামগুৰিঃ ৰাজ্যত এতিয়া দিনক দিনে বৃদ্ধি পাবলৈ ধৰিছে হাতী-মানুহৰ সংঘাত। সমগ্ৰ ৰাজ্যৰ সমান্তৰালভাৱে প্ৰতিবছৰে চামগুৰি আৰু পুৰণিগুদামৰ বিভিন্ন অঞ্চলত বন্যহস্তীৰ উপদ্ৰৱে সাধাৰণ ৰাইজক দুৰ্ভোগ ভোগাই আহিছে। 

মঙ্গলবাৰে পুৱতি নিশাও চামগুৰিৰ ব্ৰহ্মচাৰী আৰু বৰঙাতলিত বন্যহস্তীয়ে চলালে তীব্ৰ উপদ্ৰৱ। চামগুৰি ব্ৰহ্মচাৰীগাঁৱত বন্যহস্তীটোৱে প্ৰৱেশ কৰি এঘৰ লোকৰ ভড়াল ঘৰৰ লগতে এখন ব্যৱসায় প্ৰতিষ্ঠানো ভাঙি লণ্ড-ভণ্ড কৰে। বৰ্তমানেও নিশা তীব্ৰ উপদ্ৰৱ চলোৱা বন্যহস্তীটো চামগুৰি ব্ৰহ্মচাৰীৰ সমীপৰে এখন ঘন জংঘলত অৱস্থান কৰি আছে।