68
বঙাইগাঁওঃ নামনি অসমৰ শৈক্ষিক ফলাফল বেয়া৷ কিন্তু কিয় বেয়া? ইয়াৰ মূল কাৰণ বিচাৰি উলিয়াইছে বনমন্ত্ৰী প্ৰমীলাৰাণী ব্ৰহ্মই৷ মন্ত্ৰী ব্ৰহ্মৰ মতে খোৱা খাদ্যই হৈছে কাল৷ কাৰণ নামনি অসমৰ বিশেষকৈ বঙাইগাঁও, চিৰাং, কোকৰাঝাৰৰ ৰাজবংশী আৰু বড়ো মানুহখিনিয়ে গাহৰিৰ মাংস বেছিকৈ খায়৷ ইয়াৰ বাবে ধৈৰ্যও কম৷ আজি বঙাইগাঁৱত অনুষ্ঠিত আনন্দৰাম বৰুৱা বঁটা প্ৰদান অনুষ্ঠানত উপস্থিত থাকি মন্ত্ৰীগৰাকীয়ে এইদৰে ব্যক্ত কৰে মনৰ কথা৷
মন্ত্ৰী ব্ৰহ্মই কয়, “মেট্ৰিকত নামনি অসমৰ ৰিজাল্ট বেয়া৷ কিন্তু বৰপেটা জিলাৰ ভাল হয়৷ মই তাকেই ভাবিছো বৰপেটাৰ মানুহে খায় কি? পিছত জানিলো বিশেষ একো নাখায়৷ কিন্তু আমাৰ বঙাইগাঁও, কোকৰাঝাৰৰ ৰাজবংশী, বড়ো মানুহখিনিয়ে গাহৰিৰ মাংসটো বেছি খায়৷ সেইকাৰণে ধৈৰ্যও নাই৷ ৰিজাল্টো ভাল নহয়৷’
