অসমৰ এখন বিদ্যালয়, যত শৌচালয় হৈ পৰে কাৰ্যালয়, ৰান্ধনী হয় শ্ৰেণীকোঠা

গৰৈমাৰিঃ ৰাজ্যখনৰ সৰ্ব দিশৰ উন্নয়ণৰ প্ৰতিশ্ৰতি দি মিত্ৰ জোঁটৰ চৰকাৰে ৰাজ্যৰ জনসাধৰণৰ পৰা ভোট লৈ শাসন ভাৰ দখল কৰিছিল অগপ, বিজেপি আৰু বিপিএপে৷ ৰাজ্যৰ বাট-পথ, বিশুদ্ধ খোৱাপানী, শিক্ষা, স্বাস্থ্য, সীমান্ত সুৰক্ষাৰ দোহাই গাডী দখল কৰা চৰকাৰখনে চৰকাৰ গঠন কৰাৰ ২ বছৰ পাৰ হ’ল যদিও আজিলৈ উন্নয়ণত গুৰুত্ব আৰোপ কৰা দেখা নাযায়৷

বিশেষকৈ ৰাজ্যৰ চৰকাৰী বিদ্যালয়ৰ দুখলগা ছবিখনে সচেতন নাগৰিকক চিন্তিত কৰি তোলে৷ শিক্ষা খণ্ডক সংস্কাৰৰ বাবে ৰাজ্য চৰকাৰে সময়ে সময়ে বিভিন্ন কাৰ্যসূচী লৈ আহিছে৷ গুণোৎসৱ অনুষ্ঠিত কৰি ব্যাপক চমক সৃষ্টি কৰিছে চৰকাৰ তথা শিক্ষা বিভাগে৷ প্ৰকৃততে এনেবোৰ আঁচনিয়ে কণ কণ ছাত্ৰ-ছাত্ৰী তথা দৰিদ্ৰ-শ্ৰমিকৰ সন্তানক উপকৃত কৰিব পাৰিছে নে নাই সেয়া ৰাইজে বিচাৰ কৰিবৰ সময় আহি পৰিছে৷