50
নগাঁওঃ জি আই টিয়ে এইবেলি চম্পাৱতী বঁটা প্ৰদান কৰিব বিশিষ্ট গৱেষক, পণ্ডিত, সাহিত্যিক ড০ দয়ানন্দ পাঠকক৷ তৰুণ চন্দ্ৰ গোস্বামী চম্পাৱতী বঁটা প্ৰতিবছৰে নগাঁৱৰ ঐতিহ্যমণ্ডিত সত্ৰানুষ্ঠান ফুলবাৰী সত্ৰই পৰিচালনা কৰা অভিযান্ত্ৰিক শিক্ষাৰ অগ্ৰণী প্ৰতিষ্ঠান জি আই টিয়ে প্ৰদান কৰি আহিছে৷
ফুলবাৰী সত্ৰৰ সহযোগত বিগত সাতটা বছৰে এই বঁটা প্ৰদান কৰি আহিছে এই বঁটা৷ ইতিমধ্যে নিৰ্বাচক মণ্ডলীয়ে ড০ দয়ানন্দ পাঠকৰ নাম এক সভাৰ জৰিয়তে এই বঁটাৰ বাবে আনুষ্ঠানিকভাৱে ঘোষণা কৰে৷ অহা ১২ ছেপ্টেম্বৰত গুৱাহাটীৰ শংকৰদেৱ কলাক্ষেত্ৰ প্ৰেক্ষাগৃহত আয়োজিত এক গাম্ভীৰ্যপূৰ্ণ অনুষ্ঠানত ড০ পাঠকক আনুষ্ঠানিকভাৱে এই বঁটাৰে সন্মানিত কৰা হ’ব৷
