51
মুম্বাইঃ সমগ্ৰ দেশ কঁপাই যোৱা শ্বিনা বৰা হত্যাকাণ্ডক লৈ আন এক দাবী কৰিছে ইন্দ্ৰাণী মুখাৰ্জীয়ে। অভিযোগ অনুযায়ী ২০১২ চনৰ ২৪ এপ্ৰিলত হত্যা কৰা হৈছিল শ্বিনা বৰাক। অথচ ইয়াৰ ৬ মাহ পিছলৈকো শ্বিনা জীয়াই আছে বুলি দাবী কৰিছে কন্যাৰ হত্যাত অভিযুক্ত ইন্দ্ৰাণীয়ে। জামিন লাভৰ বাবে পঞ্চমবাৰৰ বাবে আবেদন জনোৱাৰ সময়তে এই দাবী কৰে বিভিন্ন উত্থান-পতনৰ মাজেৰে অসমৰ পৰা গৈ মুম্বাইত থিতাপি লোৱা ইন্দ্ৰাণীয়ে।
জামিনৰ বাবে জনোৱা আবেদনত ইন্দ্ৰাণীয়ে দাবী কৰিছে যে ২০১২ চনৰ ২৪ এপ্ৰিলৰ পিছতো আৰু ৬ মাহ ধৰি শ্বিনাই হ’বলগীয়া স্বামী ৰাহুল মুখাৰ্জীৰ সৈতেই আছিল। ৰাহুলৰ কল ৰেকৰ্ডিং সন্নিবিষ্ট কৰি ইন্দ্ৰাণীয়ে দাবী কৰিছে যে ৰাহুল আৰু শ্বিনাৰ মাজত ২০১২ চনৰ ছেপ্টেম্বৰ পৰ্যন্ত মেছেজৰ আদান-প্ৰদান হৈ আছিল।
