লকডাউন… নগাঁৱত মূৰে-কপালে হাত দিছে ক্ষুদ্ৰ ব্যৱসায়ীয়ে

নগাঁওঃ বিশ্বজুৰি ত্ৰাসৰ সৃষ্টি কৰা মাৰাত্মক কৰ’না ভাইৰাছৰ সংক্ৰমণ প্ৰতিহত কৰাৰ অৰ্থে চৰকাৰে জাৰি কৰা লকডাউনত সমগ্ৰ ৰাজ্যৰ দৰে নগাঁও জিলাটো জনজীৱন স্তব্ধ হৈ পৰিছে৷ দীৰ্ঘদিনীয়া এই লকডাউনৰ ফলত প্ৰায় প্ৰতিটো পেছাৰ সৈতে জড়িত লোকসকল ব্যাপক সমস্যাৰ সন্মুখীন হৈছে৷

বিশেষকৈ ক্ষুদ্ৰ ব্যৱসায়ীসকলৰ মাজত হাহাকাৰ পৰিস্থিতিৰ উদ্ভৱ ঘটিছে। সৰু সৰু ব্যৱসায়েৰে নিজৰ পৰিয়াল পোহপাল দিয়া এই ব্যৱসায়ীসকল লকডাউনৰ ফলত বৃহৎ আৰ্থিক সংকটৰ সন্মুখীন হৈ দিকবিদক হেৰুৱাই পেলাইছে।