সৰভোগ মহকুমাৰ অস্তিত্ব বিচাৰি হাহাকাৰ

সৰভোগঃ মহকুমাৰ সপোন যেন সপোন হৈয়ে ৰল৷ ইখনৰ পাছত সিখন চৰকাৰে যেন বুঢ়া আঙুলি দেখুৱাই আহিছে সৰভোগৰ ৰাইজক৷ ভাৰতৰ স্বাধীনতা আন্দোলনৰ ১৪১ গৰাকী মুক্তি যোদ্ধাৰ স্মৃতি বিজড়িত বৰপেটা জিলাৰ বৃহত্তৰ বৰনগৰ অঞ্চলৰ ৰাইজে চৰকাৰৰ চৰম প্ৰতাৰণা বলি হৈ ক্ষোভিত হৈ পৰিছে।

বিগত ৪৪ বছৰে বৰনগৰবাসীয়ে সৰভোগক মহকুমা ঘোষণা কৰাৰ দাবীত সংগ্ৰাম কৰি আহিছে। পুৰ্বৰ কংগ্ৰেছ চৰকাৰে নিৰ্বাচনৰ প্ৰাকমুহুৰ্তত সৰভোগক মহকুমা ঘোষণা কৰিলে যদিও আজিলৈ মহকুমাৰ পূৰ্ণাংগ মৰ্যাদা লাভ নকৰাত হতাশ হৈ পৰিছে বৰনগৰবাসী৷