61
নলবাৰীঃ সৃষ্টিৰ এক অনুপম সময় শৰতকাল। এই শৰতকালতে দুৰ্গা পূজাৰ পৰিৱেশে উদুলি মুদুলি কৰে সকলো প্ৰান্তৰ পৰিবেশ। আজি সন্ধিয়া ষষ্ঠীৰ বেদীত দেৱী দুৰ্গাক প্ৰতিষ্ঠা কৰা লগে লগেই আৰম্ভ হয় পাঁচদিনীয়া শাৰদীয় দুৰ্গোৎসৱ। এইবাৰ দেৱী নাৱেৰে ধৰালৈ নামি আহিছে আৰু পূজা গ্ৰহণৰ পিছত উভতি যাব ঘোঁৰাত।
লোকবিশ্বাস মতে দেৱী নাৱেৰে আহিলে পৃথিৱীত জল আৰু শস্য বৃদ্ধি পায় আৰু দেৱী ঘোঁৰাত ঘূৰি যোৱা গমনে দেশত যুদ্ধ-বিগ্ৰহ মাৰি-মৰক বৃদ্ধি পায়। আজিৰ পৰা আৰম্ভ হোৱা ৫ দিনীয়া দুৰ্গোৎসৱৰ এইবাৰ নলবাৰী চহৰ আৰু ইয়াৰ উপকণ্ঠ অঞ্চল সামৰি প্ৰায় ৭০ টা স্থানত পূজা আয়োজন কৰা হৈছে।
