নগাঁৱত ন বছৰীয়া ছাত্ৰ নিৰুদ্দেশ-অপহৰণৰ সন্দেহ পৰিয়ালৰ লোকৰ

নগাঁওঃ নগাঁও জিলাৰ বটদ্ৰৱা আৰক্ষী থানাৰ অন্তৰ্গত লালুং গাঁৱত এটি ন বছৰীয়া শিশু নিৰুদ্দেশ হোৱা ঘটনাই সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি কৰিছে ।

ঘটনাৰ বিৱৰণী মতে, লালুং গাঁও নিবাসী শ্বেখ জামালৰ পুত্ৰ তথা লালুং গাওঁ নিম্ন প্ৰাথমিক বিদ্যালয়ৰ  ছাত্ৰ আবিদুল ইছলাম যোৱা বৃহস্পতিবাৰে পুৱা প্ৰায় ৯ বজাত ঘৰৰ পৰা বিদ্যালয়লৈ যোৱাৰ পিছৰে পৰাই সন্ধানহীন হৈ আছে ।