61
নলবাৰীঃ উচ্চতৰ মাধ্যমিক চূড়ান্ত পৰীক্ষাত কলা শাখাত নলবাৰী জিলাৰ ভিতৰতে সৰ্বোচ্চ নম্বৰ প্ৰাপ্ত কৃতী ছাত্ৰী কহুৱা দত্তক কাব্যালোচনী গজালিৰ তৰফৰপৰা সম্বৰ্ধনা জনোৱা হয়৷ উল্লেখ্য যে, নলবাৰী জিলাৰ ফৰোৱাৰ্ড নিবাসী অসমৰ বিশিষ্ট কবি বিপুল কুমাৰ দত্তৰ একমাত্ৰ কন্যা কহুৱাই মাত্ৰ ১ নম্বৰৰ বাবে স্থান লাভ কৰিবলৈ সক্ষম নহ’ল৷
কহুৱাই নলবাৰী শংকৰদেৱ একাডেমীৰপৰা অসমীয়াত ৯৫, অৰ্থ বিজ্ঞানত ৯১, শিক্ষাত ৯৩, তৰ্ক বিজ্ঞানত ৯৭, ৰাজনীতি বিজ্ঞানত ৮৪ আৰু ইংৰাজীত ৮৭, লাভ কৰি সৰ্বমুঠ ৪৬৩ নম্বৰৰে সুখ্যাতিৰে উৰ্ত্তীৰ্ণ হয়৷
