কোকৰাঝাৰঃ কোকৰাঝাৰ জিলাৰ বালাগাঁও উপ আৰক্ষী চকীৰ অন্তৰ্গত ভূটীয়াপাৰাত আজি সন্ধিয়া নৱম শ্ৰেণীৰ এজন ছাত্ৰই আত্মহত্যা কৰা ঘটনাই চাঞ্চল্যৰ সৃষ্টি কৰিছে। প্ৰেম কিম্বা পঢ়াৰ বোজাৰ বাবেই আত্মহত্যা কৰা নৱম শ্ৰেণীৰ ছাত্ৰগৰাকীক ভূটীয়াপাৰা গাঁৱৰ জগত নাথ আৰু প্ৰণতি নাথৰ একমাত্ৰ সন্তান ৰাহুল নাথ(১৪) বুলি জানিব পৰা গৈছে।
উল্লেখ্য যে আজি বিয়লি পৰ্যন্ত ফুটবল খেলি থাকোতে পিতৃয়ে ৰাহুলক কিতাপ পঢ়াৰ কথা সোঁৱৰাই দিয়াত ৰাহুল খেলপথাৰৰ কাষতে থকা ককাদেউতাৰ ঘৰলৈ আহি ৰুমত সোমাই পৰে। ৰাহুলৰ পিতৃয়েও পিছে পিছে আহি ৰাহুলক পুনৰ পঢ়িবলৈ কোৱাত ৰাহুলে এটা কোঠাত সোমাই দুৱাৰ-খিৰিকি বন্ধ কৰি জোৰকৈ শব্দ কৰি পঢ়িবলৈ ধৰে। কিতাপ পঢ়িবলৈ ধৰাত ৰাহুলৰ পিতৃয়ে শহুৰেকৰ ঘৰৰ পৰা গুচি যায়। বহু সময় ধৰি দুৱাৰ-খিৰিকী বন্ধ হৈ থকাত ৰাহুলৰ কণমানি সম্পৰ্কীয় ভনীয়েকে খিৰিকীৰ কাঁচৰ মাজেৰে দাদাক অৰ্থাৎ ৰাহুলক চিলিং ফেনত ওলমি থকা দেখা পাই কণমানিগৰাকীয়ে মাকক দাদাই ফেনত “মজাক (ধেমালি)” কৰি থকা বুলি অৱগত কৰে।
