তামুলপুৰঃ দুবছৰ ধৰি সন্ধানহীন বাক্সাৰ এগৰাকী সোতৰ বছৰীয়া যুৱতী৷ আজিলৈকে শুংসুত্ৰ নাই আজিৰণ নেচাৰ৷
এতিয়া নিজ পুত্ৰী উভতি অহাৰ অপেক্ষাত মাথোন পিতৃ-মাতৃ ৷ পিচে ক’লৈ গৈছে আজিৰণ নেচা? এগৰাকী সোতৰ বছৰীয়া যুৱতী৷ দুই বছৰে নাই সন্ধান৷ বিচাৰি বিচাৰি হতাশ হৈ পৰিছে পিতৃ-মাতৃ৷
জানিব পৰা মতে ফটো আনিবলৈ ওলাই গৈছিল ঘৰৰপৰা৷ কিন্তু পুনৰ উভতি নাহিল আজিৰণ নেচা৷ বাক্সা জিলাৰ তামুলপুৰ আৰক্ষী থানাৰ অন্তৰ্গত শিমলবাৰীৰ আলীৰ জীয়ৰী আজিৰণ নেচাই দুবছৰ পূৰ্বে ফটো আনিবলৈ ওলাই যোৱাৰপৰা বৰ্তমানলৈ নিৰুদ্দেশ হৈ আছে তেওঁৰ জী৷
পৰিয়ালৰ লোকে বিভিন্ন স্থানত বিচাৰ খোচাৰ কৰিও কোনো সন্ধান নাপায় অৱশেষত কাষ চাপিল আৰক্ষীৰ৷ কিন্তু বিগত দুবছৰে আজৰিণৰ সন্ধান উলিওৱাত ব্যৰ্থ হৈছে আৰক্ষীও৷ আজিও আশাৰে বাট চাইছে নিজৰ জীয়ৰী ঘৰলৈ ঘুৰি আহিব বুলি৷ শেষত প্ৰশাসনে কেনেধৰণৰ ব্যৱস্থা গ্ৰহণ কৰিব পাছত লক্ষণীয় হ’ব৷