তামুলপুৰৰপৰা অভিজিৎ তালুকদাৰ

তামুলপুৰঃ বাক্সাৰ অভয়পুৰত নৃশংস হত্যাকাণ্ড। স্বামীৰ হাতত প্ৰাণ গ’ল পত্নীৰ। বাক্সা জিলাৰ তামুলপুৰ মহকুমা অন্তৰ্গত কুমাৰীকাটা আৰক্ষী চকী অধীনস্থ অভয়পুৰত সংঘটিত হয় এক নৃশংস হত্যাকাণ্ড। 

ভণ্ড স্বামী ধনঞ্চয় মণ্ডলে (৩৫) যোৱা ৰাতি সুৰাৰ ৰাগীত মতলীয়া হৈ দীপালী মণ্ডল (৩২) নামৰ নিজৰ পত্নীক খুকুৰীৰে ঘপিয়াই নৃশংসভাৱে হত্যা কৰি পলায়ন কৰে। 

জানিব পৰা মতে ঘৰুৱা কন্দলৰ ফলতে এই হত্যাকাণ্ড সংঘটিত হয়৷ নিশা স্বামী ধনঞ্চয় মণ্ডলে তামুলপুৰ থানাৰ কুমাৰীকাটা আৰক্ষী চকীত আত্মসমৰ্পন কৰিছে। ইপিনে ঘটনাৰ খবৰ পায়েই তামুলপুৰ থানাৰ ভাৰপ্ৰাপ্ত বিষয়া আৰু কুমাৰীকাটা আৰক্ষী চকীৰ ভাৰপ্ৰাপ্ত বিষয়াসহ এটি আৰক্ষীৰ দল গৈ ঘটনাথলীত উপস্থিত হৈ মৃতদেহটো উদ্ধাৰ কৰি কুমাৰীকাটালৈ আনি মৰনোত্তৰ পৰীক্ষাৰ দিহা কৰে৷ 

ইপিনে হত্যাকৰী স্বামী ধনঞ্জয় মণ্ডলক আটক কৰে আৰক্ষীয়ে৷