তামুলপুৰত ভঙা কালভাৰ্টত আঘাতপ্ৰাপ্ত হৈ এজন যুৱক নিহত

তামপুৰঃ তামুলপুৰৰ সিদ্ধিনাথপুৰত নিশা শোকাৱহ দূৰ্ঘটনা৷ ভঙা কালভাৰ্তৰ পৰা পৰি সুজিত ভৌমিক(২৭) নামৰ এজন যুৱকৰ মৃত্যু হয়৷ নিশা আলহীৰ ঘৰলৈ গৈ থাকোতে পথত থকা ভঙা কালভাৰ্তৰ তলত বাইক (AS 01 AM 8891) সহ পৰি যোৱাত ঠাইতে নিহত হয় যুৱক জন৷

জানিব পৰা মতে, তামুলপুৰৰ আৰক্ষী থানাৰ অন্তৰ্গত ইক্ৰাবিলৰ সুজিত ভৌমিক নামৰ যুৱকজনে সন্ধিয়া তেওঁৰ ঘৰৰ পৰা পাঁচ কিলমিটাৰ দূৰৰ কুসুমজুলীত থকা তেওৰ মাহীয়েকৰ ঘৰলৈ আহি থাকোতে পথাৰৰ মাজৰ থকা ভঙা কালভাৰ্ট এটাত বাইকসহ পৰি যায়৷ ফলত মুৰত গুৰুতৰ ভাৱে আঘাট পোৱা সুজিতৰ ঠিতাতে মৃত্যু হয়৷