পল্লৱ, তৌফিকৰ পত্নীক চাকৰি এটা দিবনে?

বৰক্ষেত্ৰীঃ তৌফিক তেতিয়া উচ্চতৰ মাধ্যমিকৰ ছাত্ৰ। আন দহ গৰাকী ছাত্ৰৰ দৰে তেওঁ সপোন দেখিছিল উচ্চতৰ মাধ্যমিক পৰীক্ষাত উত্তীৰ্ণ হৈ স্নাতকত নামভৰ্তি কৰিব। তৌফিকৰ সপোন আছিল পঢ়ি-শুনি ডাঙৰ মানুহ হোৱাৰ৷

কিন্তু তৌফিকৰ উচ্চতৰ মাধ্যমিকৰ পৰীক্ষাত উত্তীৰ্ণ হোৱাৰ পাছতে সকলো সপোন চূৰমাৰ হৈ গ’ল৷ পৰীক্ষাৰ ফলাফল ঘোষণাৰ পিছতে তৌফিকৰ পিতৃৰ মৃত্যু হয়৷ এসাজ ভাত, সন্তানৰ পঢ়া-শুনাৰ খৰছৰ বাবে সংগ্ৰাম কৰিছিল তৌফিকৰ পিতৃয়ে৷ হঠাৎ পৰিয়ালটোৰ উপাৰ্জনকাৰীৰ মৃত্যুত পুত্ৰ তৌফিকে পৰিয়ালৰ সমস্ত দায়িত্ব ল’বলগীয়াত পৰে৷