জু-ৰোডৰ বিস্ফোৰণৰ মূল অভিযুক্ত বিজয় অসমক ১৪ দিনৰ আৰক্ষী জিম্মালৈ প্ৰেৰণ

গুৱাহাটীঃ জু-ৰোডৰ গ্ৰেনেড বিস্ফোৰণৰ মূল অভিযুক্ত বিজয় অসম ওৰফে পাপু ৰাজবংশীক মংগলবাৰে তিনিচুকীয়াৰ ডাঙৰীৰপৰা আত্মগোপন কৰি থকা অৱস্থাত অসম আৰক্ষীয়ে গ্ৰেপ্তাৰ কৰাৰ পাছত অধিক কটকটীয়া নিৰাপত্তাৰ মাজেৰে বুধবাৰে পুৱা অনা হয় গুৱাহাটীলৈ।

মহানগৰীৰ লতাশিল থানাত দিনটো ৰাখি আবেলি তিনি বজাত স্বাস্থ্য পৰীক্ষাৰ কৰাৰ বাবে গুৱাহাটীৰ মহেন্দ্ৰ মোহন চৌধুৰী চিকিৎসালয়লৈ লৈ যোৱা হয়। তাৰ পাছত আবেলি চাৰি বজাত দুৰ্ধর্ষ আলফা কেডাৰজনক হাজিৰ কৰোৱা হয় কামৰূপ জিলা মুখ্য ন্যায়িক দণ্ডাধীশৰ আদালতত।