গুৱাহাটীঃ মেঘালয় মুখ্যমন্ত্ৰী কনৰাড চাংমাৰ নেতৃত্বাধীন এন পি পিয়ে আগন্তুক লোকসভা নিৰ্বাচনত অসমৰ ১৪ খন আসনতে প্ৰতিদ্বন্দ্বিতা কৰিব। দলটোৰ অসমৰ আহ্বায়ক দিলীপ বৰাই সোমবাৰে এক সংবাদমেলত লগতে দাবী কৰে যে দলটোৱে অসমত ৫ খন আসমত জয়ী হ’ব।
এন পি পিয়ে নিৰ্বাচনত কাৰো সৈতে মিত্ৰতা নকৰে বুলিও সদৰী কৰে। ২২ বা ২৩ মাৰ্চত অসমৰ ১৪ খন আসনৰ বাবে দলটোৱে ঘোষণা কৰিব প্ৰাৰ্থী তালিকা।
ইফালে আজি এই সংবাদ মেলতে বৰাক সাংবাদিকে প্ৰশ্ন কৰে লোকসভা নিৰ্বাচনত তেওঁলোক মূল লক্ষ্য তথা প্ৰতিশ্ৰুতি কি হ’ব। সেই সন্দৰ্ভত তেওঁ জানিবলৈ দিয়ে নাগৰিকত্ব সংসোধনী বিধেয়ক তেওঁলোকে সদায় বিৰোধিতা কৰাৰ লগতে দিল্লীৰ বঞ্চনাৰ বিৰুদ্ধে সমগ্ৰ উত্তৰ-পূৰ্বাঞ্চলক ঐক্যবদ্ধ কৰি উদ্যোগিক উন্নয়নৰ ওপৰত তেওঁলোকে গুৰুত্ব দিব। তেওঁ কয় যে নৱ-প্ৰজন্মৰ বাবে দক্ষতা বিকাশ, নিবনুৱা সমস্যা সমাধান কৰাত তেওঁলোক সদায় দায়বদ্ধ।