65
newsnextone.com | মৰিয়নীঃ যোৰহাটা জিলাৰ অসম-নগালেণ্ড সীমান্তত অসমৰ এগৰাকী চাহ বাগিচাৰ পৰিচালকৰ ঘৰলৈ লক্ষ্য কৰি গুলিবৰ্ষণ কৰাৰ খবৰ আহিছে। জানিব পৰা মতে, মঙলবাৰে পুৱাৰে ভাগত মৰিয়নীৰ অসম-নগালেণ্ড সীমান্তৰ এখন চাহ বাগিচাৰ মালিকৰ ঘৰলৈ লক্ষ্য কৰি নগা দুৰ্বৃত্তই গুলী চালনা কৰে৷ এই খবৰ লাভ কৰাৰ পিছতে ঘটনা স্থলীলৈ অসম আৰক্ষী দল ৰাওনা হোৱা বুলি জানিব পৰা গৈছে।
জানিব পৰা মতে, কিছুদিন পূৰ্বে ৰণখাম চাহ বাগিচাৰ মালিকক নগা দুৰ্বৃত্তই ৫০ লাখ টকা ধন দাবী কৰিছিল। দাবী কৰা ধন ধন আদায় দিবলৈ সকিয়াই আহিছিল দুৰ্বৃত্তই। তাৰ মাজতে দাবী কৰা ধন আদায় নিদিয়াৰ বাবে ৰণখাম চাহ বাগিচাৰ পৰিচালক প্ৰদীপ ফুকনক লক্ষ্য কৰি মঙলবাৰে পুৱাই গুলিচালনা কৰে। ফলত সমগ্ৰ অঞ্চলটোত উত্তেজনাই বিৰাজ কৰিছে।
