মডেল বিটিচি, বাইক ২০, চাইকেল আৰোহীয়ে ১০ টকাৰ বিনিময়ত পাৰ হয় বাহৰ দলং, খুঁটাতেই সন্তুষ্টি

newsnextone.com | তামুলপুৰঃ পৰিৱৰ্তনৰ নামত চৰকাৰ সলনি হয় যদিও ৰাইজৰহে ভাগ্য হে সলনি নহয়৷ মন্ত্ৰী-বিধায়ক হৈ নিশাৰ ভিতৰতে জীৱন সলনি হয় যদিও জীৱন ধাৰণৰ মাণদণ্ড উন্নত নহয় সৰ্বসাধৰণৰ৷ গাড়ী-ঘৰ, টকা-পইচাৰে নদন-বদন হয় তেওঁলোক৷ কিন্তু দৰিদ্ৰ-শ্ৰমিক, মধ্যবিত্তৰ অৱস্থা দিনক দিনে বেয়াৰ ফালে ঢাল খায়৷ 

মন্ত্ৰী-বিধায়ক হৈ চহৰত বৰ বৰ আট্টালিকাত ৰজাৰ দৰে থাকিবলৈ আৰম্ভ কৰি তেওঁলোকে গাঁওখনৰ কদৰ্যময় অৱস্থাক পাহৰি যায়। বোকা-পানীৰ গাঁও খনৰ পথ কেইটা যে উন্নত কৰিব লাগে সেই কথাক গুৰুত্ব প্ৰদান কৰিবলৈ আহৰি নাথাকে ৰাইজৰ ভোটেৰে ৰজা হোৱা সকলৰ। বৰ বৰ কথা-ভাষণ ফুটুকাৰ ফেন হৈ পৰে। ৰজা হ’বলৈ এশটা প্ৰতিশ্ৰুতি দিয়ে। কিন্তু ৰজা হোৱাৰ পিছতে এটাও প্ৰতিশ্ৰুতি পালন কৰিব নোৱাৰে।