তেজপুৰত সংখ্যালঘু নেতাক আক্ৰমণ, হত্যাৰ চেষ্টা

তেজপুৰঃ শোণিতপুৰ জিলাত শনিবাৰ নিশা এগৰাকী সংখ্যালঘু নেতাক দুৰ্বৃত্তই হত্যাৰ চেষ্টা কৰাৰ ঘটনাই তীব্ৰ চাঞ্চল্যৰ সৃষ্টি কৰিছে৷ দুৰ্বৃত্তৰ আক্ৰমণত বেয়াকৈ আঘাতপ্ৰাপ্ত শ্বেখ মাইনুল নামৰ সংখ্যালঘু নেতাগৰাকী চিকিৎসাধীন হ’ব লগা হয়৷

জানিব পৰা মতে, তেজপুৰৰ আমছুৰ দোলাবাৰী আঞ্চলিক সমিতিৰ সাধাৰণ সম্পাদক শ্বেখ মাইনুলে শনিবাৰে নিশা কোনো ঠাইৰ পৰা আহি থকা অৱস্থাত তেজপুৰৰ মৰাভৰলী নৈৰ দলঙৰ সমীপত বাইকত অহা দুৰ্বৃত্তৰ দল এটাই আক্ৰমণ চলাই৷ পিছত মাইনুলে চিঞৰ-বাখৰ কৰাত দুৰ্বৃত্তৰ দলটোৱে পলায়ন কৰে৷