তেজপুৰঃ তেজপুৰৰ মিলনপুৰত বুধবাৰে নিশা প্ৰায় ৯.৩০ বজাত শোকাৱহ পথ দুৰ্ঘটনা সংঘটিত হয়৷ এই দুৰ্ঘটনাত একেটা পৰিয়ালৰ এজন নিহত আৰু চাৰিজন আহত হয়৷ পৰিয়ালৰ ককাকৰ থিতাতে মৃত্যু হোৱাৰ লগতে আইতাক, পিতৃ-মাতৃ আৰু নাতিয়েক আহত হয়৷ 

ফিগ'ফৰ্ট এ এচ ১২ এল ২৮৬৮ নম্বৰৰ গাড়ীখনত পৰিয়ালৰ পাচোঁজন সদস্য আহি থাকোতে চালকজনে নিয়ন্ত্ৰণ হেৰুৱাই পথৰ দাঁতি কাষৰীয়া গছ এজোপাত খুন্দা মাৰে আৰু থিতাতে ককাক শিশু কলিতাই প্ৰাণ ত্যাগ কৰে৷ লগতে পৰিয়ালৰ অন্য সদস্য পত্নী অনু কলিতা, পুত্ৰ ৰঞ্জিত কলিতা, বোৱাৰী কাকু কলিতা আৰু ৮ বছৰীয়া টিকলু কলিতা গুৰুত্বৰভাৱে আহত হয়৷

  
উল্লেখ্য যে, মিলনপুৰৰ পৰা বেছেৰীয়া গৃহ অভিমুখে অহি থাকোতে নিশা এই ঘটনা সংঘটিত হয়৷ আঘাতপ্ৰাপ্ত ৰঞ্জিতৰ শহুৰেকৰ ঘৰৰ পৰা আহোতে এই ভয়াৱহ পথ দুৰ্ঘটনা ঘটে বুলি জনিব পৰা গৈছে৷