নাওকাটাঃ আপোনাৰ ঘৰৰ নগদ ধন নতুবা আ-অলংকাৰ চোৰৰ টাৰ্গেট নহয়৷ এইবাৰ চোৰৰ টাৰ্গেট মোবাইল টাৱাৰ।

মোবাইল টাৱাৰৰ বেটাৰী চুৰি কৰাৰ টাৰ্গেট বাক্সা জিলাৰ সীমান্তবৰ্তী বাঙালীপাৰা চোৰৰ৷ বাক্সা জিলাৰ সুৱাগপুৰ আৰক্ষী চকীৰ অন্তৰ্গত বাঙালীপাৰাস্থিত এয়াৰটেল আৰু এয়াৰচেল কোম্পানীৰ টাৱাৰৰ পৰা যোৱানিশা ৪৮ টাকৈ বেটাৰী চুৰি কৰি নিছে চোৰে৷

নিশা বৰষুণ দি থকাৰ সুযোগ লৈ চোৰৰ দলে টাৱাৰৰ চেলটাৰৰ তলা কাটি এয়াৰটেল টাৱাৰৰ ২৪ টা আৰু এয়াৰচেল কোম্পানীৰ টাৱাৰৰ ২৪ টা বেটাৰী চুৰি কৰি নিৰ্বিঘ্নে আতৰি যায় চোৰৰ দল।

পুৱা টাৱাৰৰ কৰ্মচাৰীয়ে আহি বেটাৰী চুৰি হোৱা প্ৰত্যক্ষ কৰি সুৱাগপুৰ আৰক্ষীক খবৰ দিয়ে। ঘটনাস্থলীত আৰক্ষী উপস্থিত হৈ অনুসন্ধান অব্যাহত ৰাখিছে যদিও কোনো লোকক এই পৰ্য্যন্ত আটক কৰিবলৈ সক্ষম হোৱা নাই।