তিৱা ভাষাৰ ৱেব পৰ্টেল PharewNewsৰ কাৰ্যালয়ত চুৰি, আৰক্ষীয়ে গুৰুত্ব নিদিয়াৰ অভিযোগ

newsnextone.com | গুৱাহাটীঃ মৰিগাঁও জিলাৰ জাগিৰোডত এটি থলুৱা ভাষাৰ নিউজ ৱেব পৰ্টেলৰ কাৰ্যালয়ত চুৰি কাণ্ড সংঘটিত হোৱাত তীব্ৰ চাঞ্চল্যৰ সৃষ্টি হৈছে৷ জানিব পৰা মতে, তিৱা ভাষাৰ Pharew News নামৰ ৱেব পৰ্টেলটোৰ কাৰ্যালয়ত যোৱা ১২ মে’ৰ সন্ধিয়া ৭ বজাত চুৰি কাণ্ড সংঘটিত হয়৷ 

কাৰ্যালয়টোৰ পৰা মোবাইল হেণ্ডচেট, লেপটপ, কম্পিউটাৰ সহ বিভিন্ন সামগ্ৰী চোৰে নিয়া বুলি জানিবলৈ দিয়ে ৱেব পৰ্টেলটোৰ প্ৰতিষ্ঠাপক অজয় পাটৰ হোকাইয়ে৷ জাগিৰোড পুলিছ কলনীস্থিত ৱেব পৰ্টেলৰ কৰ্যালয়টোত চুৰি কাণ্ড সংঘটিত হোৱাৰ পিছতে আৰক্ষীক এজাহাৰ দিয়ে যদিও ঘটনাক আৰক্ষীয়ে গুৰুত্ব প্ৰদান কৰাৰ অভিযোগ উত্থাপন হৈছে৷