লেখাপানীৰ বনাঞ্চলত আলফাৰ বিস্ফোৰক উদ্ধাৰ

লিডুঃ অসম-অৰুণাচল সীমান্তৰ তিনিচুকীয়া জিলাত বিদ্ৰোহীয়ে কেইবাটাওঁ অঘটন সংঘটিত কৰাৰ পিছৰে পৰা সেনা-আৰক্ষীৰ অভিযান অব্যাহত আছে৷ সেনা-আৰক্ষীয়ে হত্যা, অপহৰণ, ডকাইতি, ধনদাবী কাণ্ডৰ সৈতে জড়িত লোকসকলক জালত পেলাবলৈ অভিযান অব্যাহত ৰাখিছে৷

বৃহস্পতিবাৰে নিশা লিডুৰ পাহাৰত অভিযান চলাই লিডু আৰক্ষী আৰু ১৪নং অসম ৰাইফলছে চাৰিজনকৈ অস্ত্ৰধাৰীক আটক কৰাৰ পিছতেই পুনৰ শুকুৰবাৰে অভিযান চলাই বিস্ফোৰক উদ্ধাৰ কৰে নিৰাপত্তাৰক্ষীয়ে৷ এইবাৰ নিৰাপত্তাৰক্ষীয়ে তিনিচুকীয়া জিলাৰ লেখাপানী আৰক্ষী থানাৰ অন্তৰ্গত কথা গাঁৱত সেনা আৰক্ষীৰ অভিযান চলাই বিস্ফোৰক উদ্ধাৰ কৰিবলৈ সক্ষম হয়৷