51
নলবাৰীঃ যাত্ৰী লৈ তীব্ৰ বেগে আহি থকা এখন ট্ৰেভেলাৰ গাড়ী ৰাজ পথতে দাউ দাউকৈ জ্বলি উঠে সোমবাৰে পুৱাই৷ সোমবাৰে হাজো-দৌলাশাল গড়কাপ্তানী পথত নলবাৰী জিলাৰ মুকালমুৱাৰ বৰতলাত কাহিলী পুৱাই সংঘটিত হয় এই ঘটনা৷ ৰাজপথত জ্বলি উঠা তীব্ৰ বেগী ট্ৰেভেলাৰ খনৰ পুৰুষ, মহিলা, যুৱতী, শিশু সহ প্ৰায় ৪০গাৰীক যাত্ৰীৰ কথমপি প্ৰাণ ৰক্ষা কৰে৷
জানিব পৰা মতে, গুৱাহাটীৰ পৰা পুৱাই যাত্ৰী লৈ এছ-০১-জি চি-১১৭৪ নম্বৰৰ ট্ৰেভেলাৰ খনে হাজো-দৌলাশাল গড়কাপ্তানী পথেৰে বৰপেটা অভিমুখে গৈ আছিল৷ নলবাৰীৰ মুকালমুৱা পাৰ হোৱাৰ পিছত এগৰাকী মহিলা যাত্ৰীয়ে গাড়ী খনৰ পিছৰ অংশত ধোৱা ওলোৱা প্ৰত্যক্ষ কৰি প্ৰথম অৱস্থাত কুঁৱলী বুলি ভাবিছিল৷ কিছথু সময় পিছতে ধোৱা ওলোৱাৰ পৰিমাণ বৃদ্ধি হোৱাৰ মহিলাগৰাকীয়ে গাড়ী খন ৰখাবলৈ কয়৷
