তুলসীবাৰীত প্ৰতিকূল বতৰক নেওচি পূজাৰ উছাহ

তুলসীবাৰীঃ দুৰ্গা উৎসৱৰ আজি চতুর্থ দিন৷ ৰাজ্যৰ ঠায়ে ঠায়ে বৰষুণ দিয়াৰ ফলত কিছু সময়ৰ বাবে পূজাৰ আনন্দ ম্লান পৰিছিছ যদিও ৰঙিয়া মহকুমাৰ তুলসীবাৰীত প্ৰতিকুল বতৰক নেওচি ৰাইজ ওলাই আহে পূজাস্থলীলৈ৷

শুকুৰবাৰে পুৱাৰে পৰা প্ৰতিকুল বতৰক নেওচি দেৱী দুৰ্গাৰ ভক্তই পূজা মণ্ডপত ভীৰ কৰা পৰিলক্ষিত হয়৷ হাতে হাতে পুস্পাঞ্জলী লৈ দেৱী দুৰ্গাৰ আশিষ কামনাৰে তুলসীবাৰী বাৰোৱাৰী দুৰ্গা পূজা মণ্ডপ তথা মাহতলী বাৰোৱাৰী দুৰ্গা পূজা মণ্ডপত জাতি, ধৰ্ম নিৰ্বিশেষে শ শ ভক্তই ভিৰ কৰা পৰিলক্ষিত হয়৷