ওদালগুৰিঃ ৰাজ্যৰ আগশাৰীৰ ছাত্ৰ সংগঠন অসম জাতীয়তাবাদী যুৱ ছাত্ৰ পৰিষদৰ ৪১ সংখ্যক প্ৰতিষ্ঠা দিৱস ওদালগুৰি জিলা সমিতিৰ উদ্যোগত মঙলবাৰে দিনজোৰা কাৰ্যসূচীৰে অনুষ্ঠিত কৰা হয়।
সংগঠনটোৰ ওদালগুৰিস্থিত শ্বহীদ ভৱন কাৰ্যালয় প্ৰাংগনত পুৱা পতাকা উত্তোলন কৰে জিলা সমিতিৰ সভাপতি কণ্ঠ কুমাৰ দাসে, শ্বহীদ তৰ্পন কাৰ্যসূচী মুকলি কৰে জিলা সমিতিৰ উপদেষ্টা নৱ কুমাৰ ঠাকুৰীয়াই।
ইয়াৰ পাছত সন্ধিয়া শ্বহীদ ভৱনৰ প্ৰাংগনত অনুষ্ঠিত কৰা হয় আন্তৰিকতাৰ এসন্ধ্যা শীৰ্ষক কাৰ্যসূচী। ছাত্ৰ নেতা হিমাংশু দাসে আঁত ধৰা উক্ত অনুস্থানত ওদালগুৰিৰ বিভিন্ন দল-সংগঠন, জ্যেষ্ঠ ব্যক্তি, তথা সাংবাদিক, প্ৰাক্তন ছাত্ৰনেতা আৰু শুভাকাংশীসকল উপস্থিত থাকে। বৰ্তমানৰ ৰাজ্যৰ সাম্প্ৰতিক পৰিস্থিতিৰ বিষয়ে চিন্তিত হোৱাৰ লগতে ৰাজ্য তথা জাতিৰ সংকটৰ স্বাৰ্থত সংগঠনটোৱে ঠিয় হোৱাৰ সংকল্প গ্ৰহণ কৰি আগন্তুক দিনত ৰাইজৰ সহযোগত বিভিন্ন কাৰ্যসূচী গ্ৰহণৰ লগতে কাম কৰি যাব বুলি জানিবলৈ দিয়ে।