63
newsnextone.com | ডিফুঃ ভাৰতীয় সেনাৰ ডিফু স্থিত ৰেড হৰ্ণ ডিভিজনৰ সদ্ভাৱনা যাত্ৰা কাৰ্যসূচীৰ উদ্যোগত ডিফুৰ পৰা ৩০ জনীয়া ছাত্ৰৰ দল এটাক কলকতালৈ শিক্ষামূলক সংহতি ভ্ৰমণলৈ নিয়ে৷ ইষ্টাৰ্ণ কামাণ্ডৰ চিঅ’ জেভিএছ ৰাৱটৰ উপস্থিতিত সেনাৰ ৰেড হৰ্ণ ডিভিজনৰ ডিফু ইউনিটত মঙলবাৰে উপায়ুক্ত মৃদুল কুমাৰ মহন্তই ফ্লেগঅফ কৰাৰ পিছতে যাত্ৰা আৰম্ভ কৰে ছাত্ৰ দলটোৱে৷
উপায়ুক্ত মৃদুল কুমাৰ মহন্তই ভ্ৰমণত অংশ গ্ৰহণ কৰা ছাত্ৰ-ছাত্ৰীৰ সৈতে মত-বিনিময় কৰাৰ লগাতে সেনাৰ প্ৰয়াসক উচ্চ প্ৰশংসা কৰে আৰু ভ্ৰমণকাৰী দলটোক শুভেচ্ছা জ্ঞাপন কৰে৷ বোকাজান মহকুমাৰ সৰিয়হজানৰ দুৰ্গম এলেকাৰ ক্লিৰদাপ ইংলিছ হাইস্কুল আৰু লাংমিলিকে আৰম্ভ কৰি কেইবাখনো বিদ্যালয়ৰ ৩০জন ছাত্ৰই সংহতি ভ্ৰমণ কাৰ্যসূচীত অংশ গ্ৰহণ কৰে৷
