যোগীৰ মন্ত্ৰীয়ে ক’লে, ৰাজপুত-যাদৱে বেছিকৈ মদ্যপান কৰে, তেওঁলোকৰ এয়া বংশগত ব্যৱসায়

ডিজিটেল ডেস্কঃ এটাৰ পিছত এটা বিতৰ্কেৰে বাতৰিৰ শিৰোনামা দখল কৰা উত্তৰ প্ৰদেশৰ যোগী চৰকাৰৰ মন্ত্ৰী ওম প্ৰকাশ ৰাজভৰে পুনৰ এক বিতৰ্কিত মন্তব্য কৰি তীব্ৰ সমালোচনাৰ সন্মুখীন হৈছে৷ কেতিয়াবা নিজ দলৰ বিপক্ষে আৰু কেতিয়াবা মোডী চৰকাৰৰ বিফলতাৰ বিষয়ে কৈ মন্ত্ৰীগৰাকীয়ে বিতৰ্কৰ সৃষ্টি কৰি আহিছে৷ শেহতীয়াকৈ ৰাজপুতকে ধৰি কেইটামান সম্প্ৰদায়ক মদাহী আখ্যা দি তীব্ৰ সমালোচনাৰ সন্মুখীন হৈছে ওম প্ৰকাশ ৰাজভৰ৷ 

শুকুৰবাৰে বাৰানসীৰ এটি অনুষ্ঠানত অংশগ্ৰহণ কৰিবলৈ গৈ উত্তৰ প্ৰদেশৰ বিতৰ্কিত মন্ত্ৰী ওম প্ৰকাশ ৰাজভৰে কয় যে ৰাজপুত আৰু যাদৱ সম্প্ৰদায়ৰ লোকে সকলোতকৈ বেছি মদ্যপান কৰে৷ এই সম্প্ৰদায়ৰ লোকসকলৰ মদৰ বংশগত ব্যৱসায় আছে বুলিও মন্তব্য কৰে ওম প্ৰকাশে৷