62
newsnextone.com | ডিজিটেল ডেস্কঃ প্ৰাক্তন প্ৰধানমন্ত্ৰী তথা বিজেপিৰ জ্যেষ্ঠ নেতা অটল বিহাৰী বাজপেয়ী দীৰ্ঘ দিন ধৰি দিল্লীৰ এইমছত চিকিত্সাধীন হৈ থকাৰ অন্তত বৃহস্পতি বাৰে সন্ধিয়া ৫.০৫ বজাত পৰোলোক প্ৰাপ্তি ঘটে। এজন বলিষ্ঠ ৰাজনৈতিক নেতা হিচাপে মৃত্যু পৰ্যন্ত পৰিচিত বাজপেয়ীৰ মৃত্যুত দেশ জুৰি শোকৰ বন্যা বয়।
বৃহস্পতিবাৰে পুৱাৰে পৰা স্বাস্থ্যৰ অৱনতি ঘটিছিল প্ৰাক্তন প্ৰধানমন্ত্ৰী গৰাকীৰ। যাৰ ফলত দেশৰ প্ৰধান মন্ত্ৰীকে ধৰি বিৰোধী নেতা পৰ্যন্ত সকলোৱে দিল্লীস্থ এইমছত ভিৰ কৰিছিল। সন্ধিয়া ৫ বজাত এইমছ কৰ্তৃপক্ষই বাজপেয়ীৰ স্বাস্থ্য সন্দৰ্ভত এক বুলেটিন প্ৰকাশ কৰাৰ কিছু সময় পাছতে প্ৰাক্তন প্ৰধানমন্ত্ৰী অটল বিহাৰী বাজপেয়ীৰ মৃত্যুৰ বাতৰি প্ৰকাশ পায়।
