কৰিব মানৱ সেৱা, সুধাকন্ঠৰ প্ৰতিমূৰ্তিত বহি ফটো উঠা যুৱতীয়ে মূৰ দোৱালে

ডিব্ৰুগড়ঃ ডিব্ৰুগড় বিশ্ববিদ্যালয়ৰ পাৰ্কত থকা সুধাকন্ঠ ভূপেন হাজৰিকাৰ আৱক্ষ প্ৰতিমূৰ্তিত বহি ফটো উঠা যুৱতীগৰাকীয়ে অৱশেষত ক্ষমা বিছাৰিলে অসমবাসীক৷  আৱক্ষ প্ৰতিমূৰ্তিটোত বহি এগৰাকী যুৱকীয়ে ফটো উঠি ফেচবুকৰ নিজৰ একাউন্টত আপলোড কৰাত তীব্ৰ প্ৰতিক্ৰিয়াৰ সৃষ্টি হৈছিল৷ ছচিয়েল মিডিয়াত ভাইৰেল হৈ পৰিছিল ফটোখন৷ ৰাজ্যত বহু লোকে ফেচবুকত ফটো খন চেয়াৰ কৰি যুৱতীগৰাকীক কাণ্ডজ্ঞানহীন বুলি সমালোচনা কৰিছিল৷

প্ৰতিমূৰ্তিটোৰ মধ্যম অংশত বহি ফটোৰ বাবে পজ দিয়া যুৱতীগৰাকীয়ে অৱশেষত সুধাৰন্ঠ ড০ ভূপেন হাজৰিকাৰ প্ৰতিমূৰ্তিৰ সন্মুখত মূৰ দোৱাই সেৱা জনাই চাকি জ্বলাই৷ সেই ফটো ফেচবুকত আপলোড কৰি তেও কৰা ভুলৰ বাবে ৰাইজক ক্ষমা বিছাৰে৷