85
ইলেকট্ৰনিক চিগাৰেট বা ই-চিগাৰেট পান কৰাসকলৰ বাবে দুখবৰ। দেশত নিষিদ্ধ কৰা হৈছে ই-চিগাৰেট। কেন্দ্ৰীয় বিত্তমন্ত্ৰী নিৰ্মলা সীতাৰমণে এক সংবাদ মেল সম্বোধন কৰি দেশত ই-চিগাৰেটৰ উৎপাদন, আমদানি–ৰপ্তানি, ট্ৰান্সপ’ৰ্ট, বিক্ৰী, বিজ্ঞাপন আৰু সৰবৰাহত সম্পূৰ্ণৰূপে নিষেধাজ্ঞা জাৰি কৰা বুলি জানিবলৈ দিয়ে। ই-চিগাৰেট স্বাস্থ্যৰ পক্ষে অত্যন্ত হানিকাৰক হোৱা বাবেই এই সিদ্ধান্ত লোৱা হৈছে বুলিও সংবাদ মাধ্যমৰ সন্মুখত অৱগত কৰে কেন্দ্ৰীয় বিত্তমন্ত্ৰী গৰাকীয়ে। কেন্দ্ৰীয় চৰকাৰৰ এই সিদ্ধান্তৰ পূৰ্বেই ই-চিগাৰেটৰ ওপৰত নিষেধাজ্ঞামূলক অধ্যাদেশ দাখিল কৰা হৈছিল।
