মুকলিত শৌচ কৰিব লগা হোৱাৰ বাবে বোৱাৰীয়ে তৰিলে গোচৰ

ডিজিটেল ডেস্কঃ স্বচ্ছ ভাৰত অভিযানক বঢ়া আঙুলি দেখুৱাই বিহাৰত আজিও মুকলিতে মল-মূত্ৰ ত্যাগ কৰি আহিছে শ শ লোকে৷ প্ৰধানমন্ত্ৰী নৰেন্দ্ৰ মোডীৰ স্বচ্ছ ভাৰত অভিযানে ঢুকি পোৱা নাই বিশেষকৈ বিহাৰক৷ তাৰ মাজতে ৰাজ্য খনৰ এগৰাকী মহিলাই শৌচাগাৰ নিৰ্মাণৰ দাবীত এজাহাৰ দাখিল কৰা ঘটনাই চাঞ্চল্যৰ সৃষ্টি কৰিছে সমগ্ৰ দেশতে৷

লাজ-অভিমান কাটি কৰি এখন ঘৰৰ বোৱাৰীয়ে নিতৌ মল-মূত্ৰ ত্যাগ কৰিবলৈ যাব লগা হয় হাবি-জংঘলৰ মাজত৷ মহিলাগৰাকীয়ে শৌচগাৰ নিৰ্মাণ কৰাৰ দাবী জনাই আহিছিল স্বামী, দেওৰ, শাহু-শাহুৰক৷ শহুৰ-শাহুৱেকে ইচ্ছা প্ৰকাশ কৰা নাছিল শৌচাগাৰ নিৰ্মাণৰ বাবে৷ শহুৰ-শাহুৱেকক শৌচাগাৰ নিৰ্মাণ কৰাৰ কথা কৈ কৈ ভাগৰি পৰি অৱশেষত আৰক্ষীৰ ওচৰ চাপিল বোৱাৰী৷