ডিজিটেল ডেস্কঃ কাশ্মীৰৰ অনন্তনাগ এলেকাত পুৱাৰ ভাগত সন্ত্ৰাসবাদী আৰু সেনাৰ মাজত হোৱা প্ৰচণ্ড গুলিয়াগুলীত মহিলা এগৰাকীয়ে প্ৰাণ হেৰুৱাব লগা হোৱা বুলি জানিব পৰা গৈছে।

টাইমচ অব ইণ্ডিয়াত প্ৰকাশিত বাতৰি মতে, অনন্তনাগ এলেকাত আবাসগৃহত আত্মগোপন কৰা সন্ত্ৰাসবাদীৰ আক্ৰমণৰ প্ৰত্যুত্তৰত গুলীচালনা কৰিছিল সেনাই।

তাতেই ৪৪ বৰ্ষীয় তাহিৰা নামৰ মহিলাগৰাকীৰ গাত গুলি লাগে। তাহিৰাক ততালিকে স্থানীয় হস্পিতাললৈ নিয়া হয় যদিও আঘাত গুৰুতৰ হোৱা বাবে মৃত্যু হয় মহিলাগৰাকীৰ- সেনাৰ সূত্ৰই এইবুলি জানিবলৈ দিয়ে।

সন্ত্ৰাসবাদীয়ে বাতপোৰা গাঁৱত লুকাই থকাৰ গোপন সূত্ৰৰ পম খেদিয়ে সেনাই আজি পুৱাৰে পৰা অভিযান চলাইছে।