ডিজিটেল ডেস্কঃ এগৰাকী ৩৫ বছৰীয়া মহিলাক আঠ ঘণ্টা ধৰি চলন্ত গাড়ীতে ধৰ্ষণ কৰি ৰাস্তাৰ কাষত পেলাই দিয়াৰ ঘটনাই পুৱাৰ ভাগতে বাতৰিৰ শিৰোনাম দখল কৰিছে।

সোমবাৰে পুৱা ঘটা এই ঘটনাৰ বিৱৰণি মতে চুইফট ডিজায়াৰ এখনত অহা তিনিজন লোকে মহিলাক এগৰাকীক গুৰগাঁৱৰ পৰা বলপূৰ্বক গাড়ীত উঠাই লৈ গৈ ওৰে ৰাস্তাই ধৰ্ষণ কৰে।

পিছত গ্ৰেটাৰ নয়ডাত মহিলাগৰাকীক গাড়ীৰ পাৰ বাহিৰলৈ নিক্ষেপ কৰি উধাও হয়। মহিলাগৰাকীৰ ভাষ্য মতে সোমবাৰে পুৱাৰ ভাগত হাৰিয়ানাৰ সুহানা এলেকাত পুৱা আঠ মান বজাতে মাৰুতি কাৰখনত অহা লোককেইজনে তেঁওক উঠাই লৈ যায়।

উত্তৰ প্ৰদেশৰ গ্ৰেটাৰ নয়ডাত পেলাই থৈ যোৱা মহিলাগৰাকীক নয়ডা আৰক্ষীয়ে উদ্ধাৰ কৰে। ৰাজস্থানৰ ভৰতপুৰ নিবাসী মহিলাগৰাকীয় ১০ দিন আগেয়ে সুহানালৈ আহিছিল। তাতেই এনেদৰে নাৰকীয় কাণ্ডৰ বলি হয় মহিলাগৰাকী।