আজাৰাঃ মহানগৰীৰ সমীপৰে ৰাণীত সন্তানসহ নিৰুদ্দেশ হৈছে এগৰাকী মহিলা। মহানগৰীৰ সমীপৰে ৰাণীৰ পৰা যোৱা ১৬ মে’ত সন্ধানহীন হৈছিল মহিলাগৰাকী।
সন্ধানহীন এই মহিলাগৰাকী হৈছে ৰাণীৰ শালবাৰী গাওঁৰ দীপক বড়োৰ পত্নী ৰাণী বড়ো। ৰাণীৰ লগতে পুত্ৰ কপিল বড়োৰো কোনো শুংসূত্ৰ পোৱা হোৱা নাই।
জানিব পৰা মতে, সেইদিনা বিহু চাই আহি ঘৰৰ পৰা সন্তানসহ সন্ধানহীন হৈছিল মহিলাগৰাকী। সেইদিনা নিশাই ৰাণী আৰক্ষী চকীত পৰিয়ালৰ লোকে এজাহাৰ দিছিল যদিও আৰক্ষীয়ে এতিয়ালৈকে ৰাণী বড়োৰ লগতে ৩ বছৰীয়া কপিল বড়োৰ সন্ধান উলিয়াব পৰা নাই।
সেয়ে পৰিয়ালৰ লোকে এই মৰম লগা শিশু আৰু পত্নীৰ সদাশয় লোকে কোনো সন্ধান পালে ৮০১১৯৬৫৩১ অথবা ৮৪০৩৯৯১০১৯ নম্বৰত যোগাযোগ কৰিবলৈ আহ্বান জনাইছে।