78
গোৰেশ্বৰঃ শিক্ষাৰ অধিকাৰ আইনক উলাংঘা কৰাৰ গুৰুতৰ অভিযোগ উত্থাপন হৈছে বাক্সা জিলাৰ গোৰেশ্বৰত৷ ৬-১৪ বছৰৰ সকলো শিশুকে বিনামূলীয়া- বাধ্যতামূলক শিক্ষাৰ অধিকাৰ ভাৰত চৰকাৰে দিব লাগিব। ভাৰতৰ সংবিধানৰ ৮৬নং সংশোধনত ২১(ক) দফাত এই কথা উল্লেখ আছে৷
সকলো চৰকাৰী বিদ্যালয়ে শিশুক বিনামূলীয়া শিক্ষা প্ৰদান কৰিব চৰকাৰে৷ কিন্তু এই আইনক মানি চলিছেনে চৰকাৰে৷ আইন মানি চলাটো দূৰৰ কথা চৰকাৰে আইন বনাই নিজেই ভংগ কৰিছে৷ এতিয়া কৈ শেষ কৰিব নোৱাৰি ৰাজ্যৰ এলেকাৰ শিক্ষা ব্যৱস্থাৰ কথা৷ বিশেষকৈ গ্ৰাম্য এলেকাৰ বহু বিদ্যালয়ত আজিও নাই ছাত্ৰ অনুপাতে শিক্ষক৷
