নগাঁঁওঃ নগাঁৱৰ হয়বৰগাঁৱৰ ২ নং মূলাপট্টিস্থিত বেবি কেয়াৰ বিশাল মেডিকেলৰ ব্যৱস্থাপনাত অাজি জিলাখনৰ ডুমডুমীয়াত দাঁত অাৰু মুখৰ এটি বিনামূলীয়া চিকিৎসা অাৰু ঔষধ বিতৰণ শিবিৰ অনুষ্ঠিত হয়। ডুমডুমীয়া সাপ্তাহিক বজাৰৰ পাঞ্জাখানাত অনুষ্ঠিত হোৱা উক্ত বিনামূলীয়া চিকিৎসা শিবিৰত অঞ্চলটোৰ দাৰিদ্ৰ্য সীমাৰেখাৰ তলৰ লোকসকলক বিনামূলীয়াকৈ দাঁত অাৰু মুখৰ পৰীক্ষা কৰি চিকিৎসাসেৱা অাগবঢ়ায় দন্ত চিকিৎসক ডাঃ নাচিৰউদ্দিন অাহমেদে। তদুপৰি উক্ত চিকিৎসা শিবিৰত বেবি কেয়াৰ বিশাল মেডিকেলৰ স্বত্বাধিকাৰী বিমল সূত্ৰধৰ উপস্থিত থকি ৰোগীসকলক বিনামূলীয়াকৈ প্ৰয়োজনীয় ঔষধ বিতৰণ কৰে। অঞ্চলটোৰ প্ৰায় দুই শতাধিক লোকে অংশগ্ৰহণ কৰা উক্ত শিকিৎসা শিবিৰতে শিশু অাৰু মাতৃসকলৰ প্ৰয়োজনীয় হিমালয়া বেবী অাৰু ম’মছ কেয়াৰ বিনামূলীয়াকৈ যোগান ধৰে হিমালয়া ছেলছ প্ৰমোটৰ ডিম্পী দেৱনাথে। এই শিবিৰটোত চিকিৎসা গ্ৰহণ কৰা অঞ্চলটোৰ দৰিদ্ৰলোকসকলে সন্তুষ্টি প্ৰকাশ কৰে৷
আমাৰ লক্ষ্য 'News Next One’ক মুক্ত আৰু স্বতন্ত্ৰ সংবাদ প্ৰতিষ্ঠান হিচাপে গঢ়ি তোলা। কিন্তু আপোনাৰ আৰ্থিক সহায় অবিহনে মুক্ত আৰু স্বতন্ত্ৰ সাংবাদিকতা কৰাতো আমাৰ পক্ষে অসম্ভৱ। সোঁতৰ বিপৰীতমুখী এই সাংবাদিকতাৰ ধাৰা অব্যাহত ৰাখিবলৈ আমাক আৰ্থিকভাৱে সহায় কৰক। আমাৰ বেংক একাউণ্ট নম্বৰঃ NEWSNEXTONE.COM, A/C No: 50200046365374, IFSC: HDFC0000758, HDFC BANK, Noonmati Branch।