64
মোৰাঝাৰঃ হোজাই জিলা পঞ্জীকৃত ফাৰ্মাচিষ্ট সকলৰ সংগঠন ফাৰ্মাচিষ্ট এছোচিয়েশ্যনৰ এখন সভা হোজাইৰ হাম হস্পিটেলৰ নিউলেণ্ড প্ৰেক্ষাগৃহত অনুষ্ঠিত হৈ যায়৷ সভাত সংগঠনটোৰ সভাপতি ৰিয়াজ উদ্দিন, সম্পাদক নচিম আহমেদ, মুখ্য উপদেষ্টা ড০ হবিবুৰ ৰহমান, জুবেৰ আহমেদ, মেহবুবা বেগম, মচৰুৰ আহমেদ, ৰেজাউল কৰিম আদি উপস্থিত থাকে৷
সভাত ফাৰ্মাচীৰ অনুজ্ঞাপত্ৰ ভাড়া দিয়া বন্ধ কৰা, জি এছ টিৰ জৰিয়তে ফাৰ্মাচিষ্টসকলে ঔষধৰ লেন-দেন কৰা আদি বিষয়ত আলোচনা কৰা হয়। পঞ্জীয়নকৃত ফাৰ্মাচিষ্টসকলে প্ৰধানমন্ত্ৰী জন ঔষধি যোজনাৰ জৰিয়তে দুখীয়া ৰাইজক সহায় কৰা আৰু অহা ২৫ চেপ্তেম্বৰ ত বিশ্ব ফাৰ্মাচী দিৱস হোজাই জিলাত পালন কৰাৰ সিদ্ধান্ত গ্ৰহণ কৰে।
