শিল্পীৰ পৰিচয়, বান বনাম জুবিন গাৰ্গ

ডিব্ৰুগড়ঃ সুন্দৰৰ পূজাৰী ৰূপকোঁৱৰ জ্যোতি প্ৰসাদ আগৰৱালাই কৈছিল- যদি শিল্পীসকলক দেশৰ শাসনভাৰ চলাব দিয়া হয়, তেন্তে দেশত কেতিয়াও হত্যা, ধৰ্ষণ, নিৰ্যাতন আদিৰ দৰে দুস্কাৰ্য সংঘটিত নহব৷ দেশৰ ৰাজপাতত শিল্পীক অধিষ্ঠিত কৰি হত্যা ধৰ্ষণ নিৰ্যাতন আদি কিমান নিৰ্মূল কৰিব পৰা যায় সেয়া নকলেও এটা কথা স্বীকাৰ্য্য যে শিল্পীৰ থাকে এটা শিল্পীসুলভ মন৷ মানুহৰ বাবে ভাবিবলৈ, মানুহৰ বাবে কান্দিবলৈ শিল্পীৰ থাকে এখন সৰল হৃদয়৷

অসমীয়া মানুহৰ হাৰ্ট থ্ৰব জুবিন গাৰ্গ কেৱল এজন কন্ঠশিল্পী নহয়, এজন শিল্পীও৷ এই শিল্পীজনাই প্ৰতি বছৰে বানাক্ৰান্তৰ মেলি দি আহিছে সহায়ৰ হাত৷ কেৱল বানাক্ৰান্ত সকলকে নহয়, আৰ্তজনৰ ওচৰত প্ৰয়োজনত সদায় থিয় হৈ অহা জুবিন গাৰ্গে বিভিন্ন অনুষ্ঠান প্ৰতিষ্ঠানৰ মাধ্যমেৰে মানুহক কৰি আহিছে সহায়৷