কলাবিলত লাইট আছে পোহৰ নাই, দৰিদ্ৰ পৰিয়ালে পৰিশোধ কৰিব লাগিব হাজাৰ হাজাৰ টকাৰ বিল

তেজপুৰ টাউনঃ লাইট আছে এবছৰে পোহৰ হে নাই৷ বিদ্যুতৰ পোহৰ পাম বুলি ৰৈ থাকোতেই ৬ বছৰ গল শোণিতপুৰ জিলাৰ চতিয়া বিধানসভা সমষ্টিৰ কলাবিল গাঁৱত৷ জকাইচুকত বিদ্যুতৰ আহ-যাহ যেনেদৰে সাধাৰণ কথা তেনেদৰে বছৰ বছৰ ধৰি ট্রান্সফর্মাৰ বিকল হৈ পৰি থকাটো যেন সাধাৰণহে কথা৷

যদি কোনো প্ৰভাৱশালী লোক, নেতা-আমোলাৰ এলেকাত বিদ্যুতৰ আহ-যাহ হয় নতুবা ট্রান্সফর্মাৰ বিকল হয় তেতিয়া নিশাৰ ভিতৰতে সকলো ঠিক হৈ যায়৷ কিন্তু শোণিতপুৰ জিলাৰ চতিয়া বিধানসভা সমষ্টিৰ কলাবিল গাঁৱৰ ট্রান্সফর্মাৰটো প্ৰায় ৬ বছৰ পূৰ্বে বিকল হোৱাৰ পিছতো আজিলৈ মেৰামতিও নহল নতুন ট্রান্সফর্মাৰ আহি নাপালে।