কৰ্ণাটকৰ ৰাজপথত বিজেপিৰ আবতৰীয়া হোলী, মন্ত্ৰীয়ে খুৱাইছে মন্ত্ৰীক মিঠাই

newsnextone.com | ডিজিটেল ডেস্কঃ কৰ্ণাটকৰ ৰাজপথলৈ ওলাই আহি বিজেপিৰ কৰ্মীয়ে পালন কৰিছে আবতৰীয়া হোলী৷ কংগ্ৰেছমুক্ত ভাৰত গঢ়াৰ সংকল্পেৰে মোডীয়ে আৰম্ভ কৰা বিজয়ৰ জয় যাত্ৰা আজিও অব্যাহত আছে৷ ২০১৪ চনৰ পৰা ভাৰতত বলি থকা মোডী বতাহ বৰ্তমানেও অব্যাহত আছে৷

মোডীৰ বতাহজাকে পুনৰ এবাৰ কৰ্ণাটকৰ বুকুৰ পৰা কংগ্ৰেছৰ ধ্বজা খহাই মাটিত পেলোৱা পৰিলক্ষিত হৈছে৷ কৰ্ণাটক নিৰ্বাচনত বিজেপিৰ অগ্ৰগতিত উৎফুল্লিত হৈ দলৰ নেতা-কৰ্মী আৰু সমৰ্থকসকলে ভোট গণনা আৰম্ভ কৰাৰ পিছৰে পৰা ৰং উল্লাসত মগন হৈ পৰা পৰিলক্ষিত হৈছে৷