ভাৰতীয় সেনাত যোগদান চাৰিদুৱাৰৰ ২৪গৰাকী দৰিদ্ৰ যুৱকৰ, সেনা বিষয়াক সম্বৰ্ধনা যাচিলে ৰাইজে

newsnextone.com | তেজপুৰ টাউনঃ শোণিতপুৰ জিলাৰ চাৰিদুৱাৰৰ ২৪গৰাকী যুৱকে ভাৰতীয় সেনাত ভৰ্তি হবলৈ সক্ষম হৈছে৷ ২৪গৰাকী যুৱকক সেনা ভৰ্তি হ’ব পৰাকৈ যোগ্য কৰি তোলা চাৰিদুৱাৰস্থিত সেনা ছাউনীৰ বিষয়া আৰু আন আন সেনা জোৱানক দেওবাৰে চাৰিদুৱাৰ সীমান্ত মিলন সংঘত সম্বৰ্ধনা যাচে ৰাইজে৷

ভাৰতীয় সেনাই নিৱনুৱাসকলক সংস্থাপন দিব পৰাকৈ দেশৰ বিভিন্ন প্ৰান্তত প্ৰশিক্ষণ দি আহিছে৷ সমানে আজিৰ প্ৰজন্মক আৰক্ষী-অসামৰিক, সামৰিক বাহিনীত যোগদান কৰাৰ বাবে সক্ষম কৰিবলৈ বিশেষ প্ৰশিক্ষণ শিবিৰ অনুষ্ঠিত কৰে শোণিতপুৰৰ চাৰিদুৱাৰত৷ উগ্ৰপন্থীক দমনত অধিক সহজ হ’ব পৰাকৈ থলুৱা যুৱক-যুৱতীৰ নিয়োগ আৰু নিৱনুৱা সমস্যা সমাধানৰ বাবে ভাৰতীয় সেনাই এই উদ্যোগ গ্ৰহণ কৰে৷