মানুহে কৰে ভাল কাম, চাহ বাগিচাত হাতীৰ বাবে পানী, ভাৰত-ভূটান সীমান্তত জলসংকট

newsnextone.com | ডিমাকুছিঃ বাক্সা-ওদালগুৰি জিলাৰ ভাৰত-ভূটান সীমান্তত তীব্ৰ জলসংকটে দেখা দিছে৷ ভাৰত-ভূটান সীমান্তৰ শ-শ গাঁও জলসংকটত পৰাৰ ফলত হাজাৰ হাজাৰ লোকে খোৱাপানীৰ সমস্যাত পৰিছে৷ পানী বিচাৰি নৈৰ বুকু খান্দি খোৱাপানীৰ সন্ধান কৰিব লগা হৈছে সীমান্তৰ গঞাই৷

মানুহে জলসংকটত পৰাৰ লগতে জলসংকটত পৰিছে পাহাৰৰ পৰা খাদ্যৰ সন্ধানত ওলাই অহা হতীৰ জাকে৷ সীমান্তৰ বিভিন্ন চাহ বাগিচাত থিতাপি লৈ থকা বনৰীয়া হাতী জাকসমূহে জলসংকট পৰিছে৷ ওদালগুৰি জিলাৰ ডিমাকুছিত থিতাপি লৈ থকা হাতীৰ জাকে জলসংকটত পৰা বুলি খবৰ আহিছে৷ কেইবাখনো গাঁৱৰ ৰাইজে হাতীৰ জাকে পানীৰ সংকটত পৰা বুলি অৱগত কৰে৷ ভূটানৰ পাহাৰৰ পৰা বৈ অহা নৈ, জান ইত্যাদিৰ লগতে কুৱা আৰু পুখুৰী সমূহ শুকাই যোৱাৰ ফলত মানুহৰ লগতে পাহাৰৰ পৰা নামি অহা হাতীৰ জাকে জলসংকটত পৰিছে৷