বিজ্ঞানৰ স্নাতক হোজাইৰ মস্তাকে কাঠফুলাৰ খেতি কৰি থিয় দিছে নিজৰ ভৰিত

newsnextone.com | মোৰাঝাৰঃ কাঠফুলাৰ খেতি কৰি স্বাৱলম্বী হৈছে অসমৰ এগৰাকী যুৱক৷ হোজাই জিলাৰ যুৱক মস্তাক আহমেদ লস্কৰে কাঠফুলাৰ খেতি কৰি নিজৰ ভৰিত থিয় দিছে৷ হোজাই জিলাৰ নীলবাগানৰ উওৰ আশীনগৰৰ বাসিন্দা আফতাব উদ্দিন লস্কৰৰ পুত্ৰ মস্তাক আহমেদ লস্কৰে পিতৃৰ উপাৰ্জনক আশা নকৰি নিজেই উপাৰ্জন কৰি পিতৃৰ সমানে সমানে পৰিয়াল চলোৱাত সহায় কৰে৷ 

বিভিন্ন ঠাইত মাশ্ৰুম খেতিৰ প্ৰশিক্ষণ গ্ৰহণ কৰি কাঠফুলা খেতিত মনোনিৱেশ কৰিছিল তেওঁ। বৰ্তমান এগৰাকী আগশাৰীৰ যুৱ খেতিয়ক মস্তাক৷ যিটো সময়ত অসমৰ যুৱক-যুৱতীয়ে এটি চৰকাৰী চাকৰি বিচাৰি হায়ৰাণ হৈ পৰিছে তেনে সময়তে ৰাজ্য খনৰ একাংশ যুৱকে অশেষ কষ্টৰে চাকৰি অবিহনে সফলো হোৱা দেখা যায়৷ তেনেই এজন যুৱক হৈছে হোজাই জিলাৰ নীলবাগানৰ উওৰ আশীনগৰৰ বাসিন্দা আফতাব উদ্দিন লস্কৰৰ পুত্ৰ মস্তাক আহমেদ লস্কৰ৷