74
newsnextone.com | মৰিয়নীঃ পুনৰ জীৱন আৰু সম্পত্তিৰ সুৰক্ষাৰ আশংকাত দিন পাৰ কৰিব লগা হৈছে অসম-নগালেণ্ড সীমান্তৰ ৰাইজে। কিয়নো সেনা-আৰক্ষীৰ কটকটীয়া নিৰাপত্তাৰ মাজতে অসমৰ মাটিত সোমাই আহি নগা দুৰ্বৃত্তই নিৰ্বিচাৰ গুলিচালনা কৰি নিৰ্বিঘ্নে আতৰি যাব পাৰে। ধন দাবী, ভাবুকি, গুলীবৰ্ষণ আদি নগা দুৰ্বৃত্তৰ বাবে সহজ কথাত পৰিণত হৈছে।
ফলত যোৰহাট জিলাৰ মৰিয়নীৰ অসম-নগালেণ্ড সীমান্তৰ পৰিস্থিতি পুনৰ উত্তপ্ত হৈ পৰাৰ আশংকা কৰা হৈছে। নগা দুৰ্বৃত্তই অসম-নগালেণ্ড সীমান্তৰ ৰণখাম চাহ বাগিচাৰ পৰিচালক প্ৰদীপ ফুকনক লক্ষ্য কৰি মঙলবাৰে পুৱাই গুলিচালনা কৰাৰ পিছতে ৰাইজ উত্তেজিত হৈ পৰিছে। গুলীচলনা কৰাৰ ঘটনাৰ পিছতে উত্তেজিত লোকে নগা দুৰ্বৃত্তক গ্ৰেপ্তাৰ কৰা আৰু নগা দুৰ্বৃত্তৰ অতপালি ৰোধ কৰাৰ দাবীত নগালেণ্ড সংযোগী পথটো অৱৰোধ কৰে।
