65
খাৰুপেটীয়াঃ দৰঙৰ ৰাজীৱ গান্ধী ওৰাংৰাষ্ট্ৰীয় উদ্যানত চাৰিজন চোৰাং মাছমৰীয়া আটক কৰে বন সুৰক্ষা কৰ্মীয়ে।
বুধবাৰে মাছমৰীয়া চাৰিজনে গোপনে ওৰাং ৰাষ্ট্ৰীয় উদ্যানৰ ভিতৰত অবৈধভাৱে প্ৰৱেশ কৰি মাছ মাৰিবলৈ যো-জা কৰি থকা সময়তে মাছ মৰা জাল, মাছ ৰখা টিনৰ পাত্ৰ, ৰছী আদি সা-সঁজুলিসহ ২ নং বছা-শিমলু গাঁৱৰ নুৰ ইছলাম, আজিবুৰ ৰহমান, আব্দুল ছিদ্দিক আৰু মহম্মদ আলী নামৰ চোৰাং মাছমৰীয়া চাৰিজনক ৰাষ্ট্ৰীয় উদ্যানখনৰ বন সুৰক্ষা কৰ্মীয়ে আটক কৰিবলৈ সক্ষম হয়।
